Score Calculator with Negative Marking

Apne paper ka marking scheme daaliye — har sahi jawab ke marks aur har galat par kitna katta hai — aur exact score, percentage aur attempt count dekhiye.

Paper preset (hamare apne mock tests se)

Yeh figures un papers se aaye hain jo is site par mock test ke liye banaye gaye hain. Negative marking apni notice se bhariye.

Total questions

Marks per correct answer

SSC CGL Tier-1 me 2 marks per question hote hain, Tier-2 me 3, aur bank prelims me 1 — apni notice ka figure hi daaliye.

Correct answers

Wrong answers

Negative marking per wrong answer

Notice me “0.50 marks”, “0.25 marks” ya “1/3 mark” (= 0.33) likha milta hai. Bina negative marking wale paper me 0 rakhiye.

Correct + wrong, total questions se zyada nahi ho sakte.

Yeh raw score hai, normalised score nahi. Jo exams kai shifts me hote hain (SSC, RRB, kai state boards), unme final merit normalised marks par banti hai — har shift ki difficulty ke hisaab se marks upar-neeche adjust hote hain. Us formula ke liye poore shift ka data chahiye hota hai, jo exam ke baad hi milta hai, isliye woh yahan nahi ho sakta.

Aksar poochhe jaane wale sawaal

Percentage total questions par nikalta hai ya total marks par?

Total marks par. 100 questions ka paper agar 2 marks per question ka hai to poora paper 200 marks ka hai, 100 ka nahi — isi liye upar “marks per correct answer” alag se poochha jaata hai. Purani calculator isi wajah se SSC CGL jaise papers me aadha score dikhati thi.

Unattempted questions par bhi negative lagta hai?

Nahi. Negative sirf galat jawab par lagta hai; chhode hue question par kuch nahi katta. Isi liye result me attempted aur unattempted alag dikhaye jaate hain.

1/3 negative marking ka matlab kya hai?

Har galat jawab par ek tihai mark katna — yaani 0.33. Kai railway aur UPSC papers isi format me likhte hain. Is page me 0.33 daal dijiye.

← Sabhi tools